حبيبك مو قادر يتزوجك ... تبين تعرفين السبب؟؟

‎السلام عليكم ورحمة الله وبركاته ~
بصراحه الموضوع واقع محد ينكره وحبيت اطرحه وجمعته من قراءات في منتديات ومن اللي نسمعه كل يوم وحبيت انشره وبالذات بين البنات

هو انا نتناقش في الطرق اللي يستخدمها الشباب للضحك على عقول البنات عسى أن نجمع بعد ذلك مادة مفيدة خاصة للبنات المراهقات ... وأنا ببدأ في الفضفضة

اولا ::يا بنات مو كل شاب هدفه يشهر بالبنات ويسجل أصواتهم وياخذ صورهم .. في نوع خلينا نسميه (مستكشف) .. يعني يريد يتسلى ساعة .. أو يجرب شي جديد ..فيتعرف على بنت ويمثل انه يريدها ويخلي الموجة تاخذه (يعيش الدور).. وهذا النوع خطير .. لأنه يمكن يحب .. لكن حبه من دون هدف .. يلعب بعواطفه عادي .. وساعة الجد (اذا توهق) يدوس عليها ولا كأنها صارت ..
ثانيا حجج الشباب كلها متشابهة ... وهذي أشدد عليها لأنها بتنفعنا في كل المشاكل التي تعرض في قسمنا هذا .. يعني الواحد يتعرف على البنت .. ويعيش قصة الحب .. وتكون كللل الحياة وردية .. بعد ما تطلع سالفة الخطبة .. تطلع العراقيل .. وخذولكم لفه في المواضيع ..و الأعذار هي :

*ماعندي فلوس أتزوج << واذا ماعندك فلوس ليش داز وجهك تتعرف
*أهلي مايزوجو خارج العائلة << عيل ليش تتعرف على وحده من برا العايلة
أ*نا (جنسيتي ، عايلتي ، قبيلتي ، مدينتي ، أصلي ..الخ ) ما يتناسبو مع اهلك وأخاف يرفضوني <<< لااااا واللــه الحين تذكرت
*انتي (جنسيتك، عايلتك ، قبيلتك ، مدينتك ، أصلك .. الخ ) ما يتناسبو مع أهلي وأخاف اهلي يرفضوك << صباح الخير الحين انتبهت
*انتظري لين ما اخلص دراستي
*انتظري لين احصل شغل
*ابوي مريض ، امي مريضة
*أنا مديون
*صار حدث مفاجأ في بيتنا ومضطر أأجل (موت أو حريق أو مشاكل عائلية)
* انا متزوج واخاف تنقلب حياتي علي

لاحظوا ان كل الاعذار هي مشاكل مؤقته علشان البنت تقول ماعليه بصبر لين ماتخلص المشكلة (ماعليه سنة أو سنتين)

ثالثا:: كل الأعذار اللي تنقال للبنت ما يتبعها كلمات مثل خلينا نقطع ، أو شوفي نصيبك .. لااا .. تتبعها كلمات مثل انا تعلقت فيك .. أنا متمسك فييك .. علشان العلاقة تطول أكثر وأكثر .. طبعا لييين ما يمل منك أو يحصل غيرك ويبدأ الفصل الثاني من الأعذار مثل :
اكتشفت ان اهلي متكلمين مع ناس وخاطبيلي بنت
طلع فيني مرض
أنا متزوج ... وهكذا

لاحظو كلها مشاكل مالها حل .. حتى لو حاولتي تحليها ماراح يقتنع بأي واحد فيهم .. مع انها في الغالب مشاكل تاااافهة وسهلة تنحل بس بتحصليه يعقدها وهي ماتسوى .. وانتبهي انك بتحصلي نفسك انتي الوحيدة اللي تحاول تحل السالفة لا وتحاولي تخففي عليه همه بعد

رابعا:: كثيييير نسمع سالفة ان انتي زوجتي خلاص .. وهذي العبارة مايقولها الا الانسان اللي اصلا مايريد يتزوج بالضرورة .. عشان كذا يكون حريص على انه يستمتع بالعلاقه قبل ما تصير شرعية

خامسا:: سالفة كلمني بأدب وأخلاق .. وما قل أدبه .. وهذا الأسلوب كثير يغري البنات .. وكثييييير اسمعه في المنتديات ... حبيبتي الدنيا تغيرت .. يعني الحين الشاب لما يتعرف مايريد يكلم وحده نابية بأسلوب حقير .. واذا كان يريد هالنوع فالدنيا صار فيها تكنلوجيا وتطور في التشات وفي العاهرات صارو في الشوارع الله يعزكم .. لكن الشاب يريد الأسلوب الراقي والسوالف اللي تفتح النفس ويحس انه متزوج أو خاطب من غير مايضطر انه يخطب أو يتزوج ... فهمتوا؟؟ فتحوا عقولكم الله يهديكم

سادسا:: في شباب تجرأوا على دخول بيوت الناس والتعرف على الأب والإخوان علشان تطمئن البنت ويوهمها انه شهم يحليله ..

سابعا ::في بعض البنات بيلاحظوا انه في البداية الشاب بيتصل من تيلفونه كثير ويعبي بطاقات بالهبل .. لا وبيشحنلها رصيد الرجل الشهم الكريم ، بس بعدها بيلاحظوا البنات ان هم اللي يتصلوا ويصرفوا بطاقات وفواتير على الشاب والحجج فهذا المجال كثيــر .. مثل خلص رصيدي ، و وماعندي فلوس لاني ما اشتغل ووووووووووووو هذي الحجج كثيره .. وانتي بتصرفي اللي حولك ودونك وهو متنعم بالصوت الحلو والكلام العذب بلوووووووشي
في شي قهر ... انقهر من وحده تقول .. قالي انا ما اعرفك بسسس عجبني اسلوبك فقررت اتزوجك خبريني شو اسمك بالكامل... هذي ودي اذبحها قبل ما اذبحه هو .. يعني بالله عليك حد يحب وحده ويقرر يتزوجها من خلال كلمه ولا من أول مره شافها فيها .. ليش هو بيسلق بيضه .. وين الأهل وين الإجراءات الطويلة للزواج .. لا ويطينها ويقول لها انا اصلا مو جاهز للزواج .. وهي تصدق .. هذا الشي شاااااااااائع جدا جدا فانبهوا يا بنات
هذا اللي خطر على بالي الحين مع ان الكلام
كثير .. وكله كلام متكرر في كل العلاقات الفاشلة ..

يا بنات .. المشكلة ان كل بنت تحب تسكت وتخفي الموضوع علشان كذا محد يعرف عن القصص الملفقة
يابنات تذكرن .. واحد + واحد= اثنين .. كل الناس تخضع لهذي القاعدة ومحد شاذ عنها

لا تقوليلي ظروفه غير ولا تقوليلي خرابيط كله كلام ماكليييييين خيره

وفي منهم بيدأ معاك بصراحه انا من الحين اقولك ما في زواج بس نحب بعض وهذا كيف ترضين تبدين مع علاقه اذا اهو يقولك من بدايتها انتي ما ترقين تصيرين حبيبتي وزوجتي قدام الناس!!

ونصييييييييييحه اذا وحده اكتشفت ان حبيبها المزعوم من هذا النوع تقلع السالفة من جذورها من هذي اللحظه .. لا تخافي من شي الا من الله تعالى .. وتأكدي انك بتكوني أسعد انسانة فالدنيا وبتلذذي بشعور طرد طفيلي من حياتك

الطريقة الوحيدة للزواج بأي امرأة خطبتها من اهلها وبس .. لو كان حافي منتف على باب الله .. بيخطبك .. لو كنتي تكرهينه بيخطبك عناد فيك .. لو كان اهلك يكرهونه بيجيب 20 واحد يتوسطوله .. بتسمعي الناس تقول ليش ماشي فالدنيا غيرها؟؟ .. اذا قرر انه يكلمك بيحط وسيط وحده من خواته .. واذا ماحط وحده من خواته وكان متهور بيكلمك مره وحده بسس وبعدها بيخطبك .. تعرفي ليش لأنه بيخاااااف انك تفهمينه غلط ويخترب تخطيطه للزواج منك...

طبعا كلنا نعرف أن اصلا مجرد علاقه مع رجل غريب محرمه شرعا واحنا ما دخلنا جانب الدين لان اصلا اللي يسوي هالشي يدري انه حرام .. فحسيت ان الاقناع بالمنطق والواقع يمكن يجيب نتيجه..

الحب شي جميل وحلاته يكون بالحلال ... واذا كان لا فهو عسل مسموم وراح اضعين في متاهات الحب و بعدين بتقولين كنت ضحية واحد لعب فيني وقص علي عشان تثيرين الشفقه وتعذبين نفسك فتتخطبين بعلاقات ثانيه ..

وفي مثل يقول الكلمات تذهب وتبقى المخطوطات بمعنى ان كلام الحب يمكن يروح ومرح يبقى غير عقد الزواج....

اسفه على الاطاله واتمنى يعجبكم الموضوع واسمع رايكم وتجاربكم

وكلمه اخيره وبصراحه في حكايات وقصص كثير عن الحب ولكن مهما اختلفت البداية فالنهااااااية وحده ... فلا تسمحين لحد يلعب بقلبك وحافظي على آخرتك ودنيتك واهلك ونفسك

انتهى

لاتعليق لي أمام جبروت قلمك

أمام طريقتك الرائعه بتوصيل تلك النصيحة المخزنة بين حروفك

تجااااااااااارب قيمه تحدث ولا نعتبر منها إلا بعد تجربتها

وكما قلتي وصدقتي بقلمك أعذارهم كلها نفسها ومختصره وموجزه

والووووووووووحيده الضحيه في الموضوع (البنت) لإنه هو بكل بساطه

بيقدر يلاقي سبعين ألف وحده يكلمها و يلعب عليها ويتسلى براحة راحته

وهيه المسكينه الغلبانه اللي رح تتحمل نتائج اللي سوته وسواه

هو عايش حيااااااااااته مرتااااااااااح و أنتي عاااااااايشه متنكده
وخسرتي كل شيء في الدنيا لدرجة إنك تحبيه ويوم يتركك
تبيعي مشاااااااااااعرك ويااااااااااااااااااااااه

قلم رائع غاليتي بس أنا أسمع كثير بنات غافلات مستهونات

........

[color:d114=green
]
يقولون : إنها تفضل تتزوج شخص تحبه أحسن من إنها تتزوج شخص عن طريق الأهل
زعمت إنها تبي تعيش حياتها غيررررررر عن اللي قبلها تبي الرومانسيه بحياتها
خخخخخخخخخخخخخخخخخخخخخخخخخخخ
(مسكينه مادرت إنه السالفه إنه حبها إنه ما حبها مارح يتزوجها )...
.......

والبعض يقولون مايبون يتزوجونهم بس يبغون يجربون الشيء هذا
ولما تجربه الوحده تكتشف إنها حبته بس لازالت ماتبي تتزوج
بس يجيها فضول تبي تعرف هل ممكن يوافق إنه يتزوجها و إلا لا ..؟ طبعاً بتقوله إنها تبيه يتزوجها تبي ردت فعله هل فعلاً يحبها وبيوافق و إلا زيه زي غيره بيتهرب
وتتفاجأ إنه مثله مثل غيره ويصير جرررررررحها أكبر من جرح اللي يبون فعلاً يتزوجون
ويتركها طاعنها بقلبها مليون طعنه من الألم والجرح وقلبها جريح وأنعدمت مشاعرها
واللي حبته أخذ قلبها معاه ونست الدنيا واللي فيها وتصير عايشه حياته زيها زي الميته
جسد بلا روح ...

......

والبعض من البنات يكلمون الشباب بحث عن الأخوة التي لم تجدها بحياتها
وممكن تلاقي أخوان توثق فيهم ويستحقون الثقه
بس مافي أحلى من الأخ اللي بيكون جنبك طول الوقت وخشته مقابلتك
بس كمان ممكن الفكره تكون منبوذه لإنه ممكن حب الأخوة يتحول لحب الأحبه
وبدل ماكان أخوها صار حبيبها وعاشت فترة الندم زيها زي اللي قبلها

.......

أعتذر إليك سيدتي عن إطالتي بالنقاش وسرد الرأي المطول

لكِ درع من ذهب نقشت عليه أحرف الشكر والتهنئه لموضوعك الجميل

وبااااااقات وردي الحمراء التي تهنئك على رقة الإختيار

موضوع أود النقاش فيه من كل الجوانب

موضوع أود رؤية جميع أراء العضوات هنا

تحيتي لكِ

*.*

موضوع راااااائع ومفيد تسلمييييييييييييين..
وانتي بعد ياحسحوسه تسلمييييييين

ومايصح إلا الصحيح مافي احسن من الاخوان اللي خشتهم مقابلتني تاج راسي وسندي
بلا حب بلا خرابيط!!!!!!!!!!!!
خخخخخخخخخخخخخخخخ الله يسعدك

موضووووووووع روووعة
بس بعض البنات الله يهديهم
اي كلمة توديهم وتجيبهم
احسها نوع من فقد الحنان الله يستر على بنات المسلمين

وفراااولة خخخخخ والله انك حلوتن تذكري هالكلمة ---حلوتن--وراااح اذكرك فيها عن قريييب بس وين هذي بتعرفينها بنفسك

وااااااااااااااااااااااااااي ميييين أنتي ياحلوتن حبيبك مو قادر يتزوجك ... تبين تعرفين السبب؟؟ 808482

!!!!
ماأذكر هاذي الكلمه..

اول ماتدخلين ارسلي ع الخاص"
بأنتظرك بفارغ الصبر حبيبك مو قادر يتزوجك ... تبين تعرفين السبب؟؟ 583980

ياحلوتن اقصد لوتسي

» أنت السبب ؟؟!!
» ليتني..أعلم السبب...
» سيف بن ذي يزن .. ماذا تعرفين عنه ؟؟
» تعرفين الترافيان؟؟؟؟
» ماذا تعرفين عن ((آينشتـــاين)) ..؟؟