الفرق بين بنات العلمي والادبي!!!

الفرق بين بنات العلمي و الادبي
بنات الادبي دايما مبتسمين ومفرفشين وشاقين الحلق من كثر الضحك ...
بنات العلمي دايما مكتئبين وماعندهم وقت يضحكون بس عندهم وقت يصيحون ...
بنات الادبي عادي عندهم يروحون المدرسة والا لا والافضل عندهم طبعا انهم مايروحون لان مايحتاج احد يفهمهم اللهم يحفظون الكتاب ويروحون يسمعون اللي حفظوه
بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات علشان يشرحون لهم مرة ثانية وعلشان يتأكدون انهم حصلوا كل المعلومات ومافاتتهم ولامعلومة ...
بنات الادبي يطلعون من الامتحان وهم مبسوطين لان ماتفرق معاهم الدرجات
بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع سيل والوجه يصفر...
<<<--- والله الدوافير
اذا شفت بنات دببة تأكد انهم بنات الادبي ماوراهم دروس ولا شغل الا الاكل
واذا شفت بنات يكسرون الخاطر عصاقيل شوي ويموتون تأكد طبعا انهم بنات العلمي المساكين دايما يذاكرون لدرجة انهم ينسون ياكلون ... <<<--- مو شرط
بنات الادبي وفي حصة الاحتياط يقعدون يلعبون أو يسولفون مع المدرسة أو يعيبون عليها وطبعا طايحيلك حش فيها أو في البنات ...
بنات العلمي في حصة الاحتياط طبعا مايفوتون أي حصة بدون دراسة تلقاهم يدرسون بنفسهم أو يروحون يدورون على مدرسة فاضية وينادونها علشان تفهمهم إذا في شي مو فاهمينه ...
<<<-- والواجب بعد ماننساه

بنات الأدبي دايما تشوفوهم منحاشين من مدرساتهم وقاصين حصصهم ويتمشون في ساحة المدرسة كأنهم على الكورنيش ...
بنات العلمي مانشوفهم في الساحة إلا وقت الفسحه ونادرا طبعا والمدرسات أهم إللي ينحاشون منهم بس لا مفر طبعا للمدرسات ...
وقت الرحلات ما تلقى غير بنات الأدبي لأن بنات العلمي مو مستعدين يروحون عليهم

موضوع حلو وتشكرين عليه..

بس إلحين أنقلب الوضع صارو بنات الأدبي هم المكتئبين وبنات العلمي والله فالينها

..::وأسأل مجرب ولا تسأل طبيب::..

لكن العلمي له حسنات ومميزات مثل ماله عيوب
ومن حسناته أن إلي في العلمي إذا خلصو الثانوية كملو دراستهم ومنهم إلي تتخرج دكتورة أو ممرضة أو معلمة

أما الأدبي فالأغلبية(مو الكل) يجلسون في البيت لا شغلة ولا مشغلة..

لا تزعلين علي بس حبيت أدافع عن العلمي
وأنا أعتبر معادلة العلمي كذا:

جد وأهتمام +هيصة =نجاح ومستقبل


تحياتي لـــــ ــــك..